ብተደጋጋሚ ዝላዓሉ ሕቶታት

ሕቶታትን መልስታተንን

ንስኻትኩም መን ኢኹም? ነዚ ዕላማ እዚ ዝደፍፈአኩም ምኽንያት እንታይ እዩ? ቀንዲ ዕላማኹምከ እንታይ እዩ?

ንሕና ካብ ክልቲኡ ማሕበረሰብ ኣምሓራን ትግራይን ዝተውጻእጻእና ኢትዮጵያውያንን ትውልደ ኢትዮጵያዊያንን እንትንኸውን፣ ኣብ መንጎ እዞም ክልተ ኣሕዋት ህዝብታት እናተጋደደ ዝኸይድ ዘሎ ተጻብኦን ጎንፅን አዝዩ ዘታሓሳሰበና ውልቀሰባት ኢና። ተልእኾና ኣብ መንጎ ማሕበረሰባት ኣምሓራን ትግራይን ዘሎ ተፃብኦ ምፍታሕ ኮይኑ፣ መፍትሒ እንተዘይተረኺቡ ኣብ ክልቲኡ ህዝብታትን ሃገርን ከቢድ ሳዕቤን ዘስዕብ ምዃኑ ስለ ንአምን እዩ።
ዕላማና ኣብ መንጎ ክልቲኡ ህዝብታት ዘሎ ጎንፂ ብሰላም፣ ብሕጋዊ መንገዲን ብዘተን ንክፍታሕ ምሕጋዝ እዩ። ከምዚ ዓይነት ጎንጺ ንቅድሚት ከይፍጠር እውን አድላዪ ዝኾነ ምርድዳእ ንኽህሉ ንምግባር ክንጽዕር ኢና።

ስለምንታይ ትኹረትኩም ኣብ ኣምሓራን ትግራይን ጥራሕ ኮይኑ?

ኣብዚ እዋን’ዚ ትኹረትና ኣብዞም ክልተ ማሕበረተሰባት ዝኾነሉ ምኽንያት፡ ኣብ መንጎ እዞም ናይ ነዊሕ ግዜ ታሪኽ፣ ዝተአሳሰረ ህላወ፣ ባህልን ሃይማኖታዊ ልምድታትን ዝካፈሉ ማሕበረሰባት ዝካየድ ዘሎ ጽልእን ጎንጺን ዘላቒ ፍታሕ ከይረኸበ ብምቕጻሉ እዩ። እቲ ጎንጺ ካብ መንጎ ልሂቃን ክልቲኡ ማሕበረሰባት ሓሊፉ ህይወት ተራ ሰባት እውን ተንኪፉ ይርከብ። ብተወሳኺ፣ እቲ አጋጢሙ ዘሎ ሓደጋ ንረብሕኦም ደው ብዝበሉ ናይ ዉሽጥን ወጻእን ሓይልታት እውን ይበኣኣስ አሎ። እዚ ጎንጺ’ዚ ደው እንተዘይሉ፡ ኣብ ሰላምን ምርግጋዕን ሃገርን ዞባን ከቢድ ጽልዋ ከም ዝህልዎ ንኣምን።
ዕላማና ካልኦት ማሕበረሰባት ኢትዮጵያ ንምግላል ዘይኮነስ ነዚ ኣብ ሓፈሻዊ ሰላም፣ ምርግጋዕ፣ ድሕንነት ሃገር ኣበርክቶ ክገብር እዩ ኢልና እንኣምኖ ቅልውላው ምፍታሕ ንምሕጋዝ እዩ። ምስዚ ተኣሳሲሩ ተበግሶና ካብ ከም “ኦሮማራ” ዝኣመሰሉ ምትእኽባባ ብቅዲ ይኹን ብፍረ ነገር ዝተፈለየ ምዃኑ ብንጹር ክንገልጽ ንደሊ። ዋላ’ኳ ደረጅኦም ዝታሓተ እንተኾነ ፡ ኣብ ካልእ ቦታታት ዝራአዩ ቆላሕታ ዘድልዮም ካልኦት ጎንጽታት ’ውን ኣለዉ። ካልኦት ከማና ዝኣመሰሉ ጉጅለታት ድማ ቅድሚ ዞም ጎንጽታት ምጉህሃሮም መፍትሒ ከናድዩ ነተባብዕ።

እዚ ጎንጺ እዚ ስለምንታይ? ብኸመይን? ብመንን እዩ ተጀሚሩ?

ኣብ መንጎ እዞም ክልተ ማሕበረሰባት ናብ ኲናት ከብጽሑ ዝኽእሉ መሰረታዊ ምኽንያታት ከምዘየለዉ ንኣምን። እዞም ክልተ ማሕበረሰባት ንዘመናት ጎኒ ንጎኒ ዝነበሩ፣ ዝተዛመዱ፣ ዝተዋለዱን ብብዙሕ መንገድታት ዝተአሳሰሩን እዮም።
ከም ካልኦት ጎረባብቲ ማሕበረሰባት፡ እዞም ክልተ ማሕበረሰባት እውን ዝተፈላለዩ ጎንጽታት አብ ታሪኾም ኣሕሊፎም እዮም። ይኹን እምበር እዚኦም ጎንጽታት ብቐንዱ ኣብ ዝተፈላለዩ ጉዳያት ካብ ዝነበሩ ዘይምርድዳእ ዝተበገሱ ይመስለና። ቐንዲ መበገሲ እዞም ጎንጽታት ልሂቃን ፖለቲካ ክልቲኡ ማሕበረሰብ ምዃኖም ድማ ንኣምን።
በብዘበኑ ዝነበሩ መንግስታት ኣብ መንጎ ክልቲኦም ማሕበረሰባት ንዝተፈጠሩ ጽልእን ቅርሕንትን ነናይ ባዕሎም እጃም ኣበርኪቶም እዮም። ብተወሳኺ፣ እቲ አጋጢሙ ዘሎ ሓደጋ ንረብሕኦም ደው ብዝበሉ ናይ ዉሽጥን ወጻእን ሓይልታት ኣዝዩ ተጋዲዱን ተሓላሊኹን ይርከብ። ስለዝኾነ ድማ ኣብ መንጎ ክልቲኦም ማሕበረሰባት ዘሎ ቅርሕንትን ህልቂትን ክቕጽልን ክበኣኣስን ምኽኣሉ ተገንዚብና ኢና።

እዚ ጎንጺ እዚ ብኸመይ ብሰላም ክፍታሕ ይኽእል? ንምፍታሑ እንታይ ዓይነት ሜላታት የድልየኩም?

ኩሎም ፖለቲካዊ ሓይልታት ኣብ ዲሞክራሲ፣ ማዕርነትን ፍትሕን እንተኣሚኖምን ንረብሓ ኩሎም ህዝብታት እንተሰሪሖምን ሽግራትና ብሰላም ክንፈትሕ ይኽእል እዩ ኢልና ንኣምን። ኣብ መላእ ዓለም ዝርከባ ብዙሓት ሃገራት ዝተሓላለኹ ጸገማት ብሰላም ፈቲሐን ካብ ውግኣት ርሒቐን ይርከባ አለዋ። ንሕና እውን ከምኡ ክንገብር ከም እንኽእል ንኣምን።
ኣብ ውሽጢ ጉጅለና ብመጠኑ ብዕምቆት ዝዘተናሎምን ዝተሰማማዕናሎምን መሳርሕታትን ኣገባባትን ተጠቒምና ኣብ መንጎ ክልቲኡ ማሕበረሰባት ሰላምን ዕርቅን ንምምጻእ ክንሰርሕ መደብ ሒዝና ኣለና።

ብኸመይ ክሕግዝ እኽእል? ከመይከ ክረኽበኩም ይኽእል?

እቲ ጸገም ንምፍታሕ አብ ዝግበር ጻዕሪ ክሕግዙ ይኽእሉ ኢዮም። ምስ ተስፋ ንሰላም ብወለንታ ብምጽንባር ሰላምን ዕርቅን ንኽመጽእ ጽልዋ ይፍጠሩ። ማሕበረሰባት ብምርኻብ፣ ዘተ ብምምዕባል፣ ሰላማ ዘለወን ክልላትን ዝያዳ ስምረት ዝነገሰላን ኢትዮጵያን ንምህናጽ ግዜኦም፣ ክእለቶምን ሓይሎምን የበርክቱ። ብሓባር፣ ስኒትን ምርድዳእንዝዓሰላ ሃገር ክንፈጥር ንኽእል ኢና።
በዚ ኢመይል contact@H4Peace.org ወይ ነዚ ቅጥዒ ብምምላእ ክረኽቡና ይኽእሉ ኢዮም። አድራሸኦምን ንተበግሶና ብኸመይ መንገዲ ክሕግዙ ከም ዝኽእሉ ይግለጹልና።

Phone:

ኢሜይል:

ብተደጋጋሚ ዝላዓሉ ሕቶታት

ሕቶታትን መልስታተንን

ገጽ መራኸብቲ

ተኸታተሉና

አማርኛ

English